လွၼ်ႉမွၼ်းၵႂၢမ်း ၽူႈဢွင်ႇမၢၼ်ၼႂ်းလူၵ်ႈ ၵမ်ႈၽွင်ႈ

မၢင်ပွၵ်ႈၵေႃႈ တႃႇတေဢွင်ႇမၢၼ်ၼၼ်ႉ ႁဝ်းထုၵ်ႇလီမီးၶေႃႈၵႂၢမ်း လွၼ်ႉမွၼ်းၵႅမ်တူဝ်သေ ႁဵတ်းသၢင်ႈၸွမ်း လွၼ်ႉမွၼ်းၼၼ်ႉယူႇ။ ၶေႃႈၵႂၢမ်းၶိုၵ်ႉယမ်မၢင်ဢၼ်ၼႆႉ ၸၢင်ႈလႅၵ်ႈလၢႆႈပၼ်တၢင်းဝူၼ်ႉႁဝ်း၊ ၸၢင်ႈၸွႆႈထႅမ်ပၼ် ႁႂ်ႈတၢင်းဝူၼ်ႉႁဝ်း တိူဝ်းၵႂၢင်ႈၶႂၢင်မႃး။ ၸၢင်ႈႁဵတ်းႁႂ်ႈႁဝ်း ႁႃႁၼ်တၢင်းဢွၵ်ႇ ၸူဝ်ႈပၢၼ်ႁဝ်းယဝ်ႉ။ ဝၼ်းမိူဝ်ႈၼႆႉ တေဢဝ်လွၼ်ႉမွၼ်းၵႂၢမ်း ၽူႈဢွင်ႇမၢၼ်ၶဝ်သေ မႃးပိုၼ်ၽေပၼ် ဢူၺ်းၵေႃႉႁဝ်းၶဝ် ၸိူဝ်းဢၼ်တိုၵ်ႉသွၵ်ႈႁႃ သဵၼ်ႈတၢင်းဢွင်ႇမၢၼ်ၼၼ်ႉယူႇ ၼႆၶႃႈဢေႃႈ။ ၸၢမ်းလူတူၺ်း လွၼ်ႉမွၼ်းၵႂၢမ်း ၽူႈဢွင်ႇမၢၼ်ၼႂ်းလူၵ်ႈၶဝ် ဢၼ်ၶႃႈလႆႈလိူၵ်ႈပိၼ်ႇမႃးၼႆႉတူၺ်းၶႃႈ။

"ဢမ်ႇဝႃႈ သူတေႁဵတ်းသင်ၵေႃႈယဝ်ႉ ယႃႇပေယွမ်းၵႃႈၶၼ်တူဝ်ၸဝ်ႈၵဝ်ႇ။ ၵူႈၵေႃႉ မီးပၢႆးဝူၼ်ႉၶိုၵ်ႉၶႅမ်ႉ ဢၼ်ၶဝ်တေၸၢင်ႈဢဝ်မႃးသူႇၸူးလူၵ်ႈၼႆႉလႆႈယူႇ"  Mark Zuckerber

"ဢၼ်သူမႃးပဵၼ်ၵူၼ်းၽၢၼ်ၼၼ်ႉ ဢမ်ႇၸႂ်ႈတၢင်းၽိတ်းသူ၊ ပေႃးသူတၢႆၵႂႃႇၶိုၼ်းၽၢၼ်ၽၢၼ်ယၢၵ်ႈယၢၵ်ႈတႄႉ ပဵၼ်တၢင်းၽိတ်းသူယဝ်ႉ" Bill Gates

"ယူႇသဝ်းၸွမ်း ၵူၼ်းၸိူဝ်းဢၼ်ၶဵင်ႇတႃႉသူ၊ ဢၼ်သွၼ်ပၼ်သူ၊ ဢၼ်ဢီးသူၼ်း ႁႂ်ႈသူပဵၼ်မႃးလႆႈတူဝ်သူ ဢၼ်ၶႅမ်ႉသုတ်းၼၼ်ႉလႄႈ"  Bill Gates

"တႃႇတေဢွင်ႇပေႉလႆႈ ယႂ်ႇယႂ်ႇလူင်လူင်ၼၼ်ႉ မၢင်ပွၵ်ႈသူလူဝ်ႇလႆႈ ၸုၼ်ႉယႂ်ႇယႂ်ႇလူင်လူင်ယူႇဢိူဝ်ႈ" Bill Gates

" မၢင်ပွၵ်ႈ ၸူဝ်ႈပၢၼ်ၼႆႉ တေဢဝ်မၢၵ်ႇဢုတ်ႇသေ ထုပ်ႉပၼ်ႁူဝ်သူယူႇဢိူဝ်ႈ၊ ၵူၺ်းၵႃႈ ယႃႇပေပၼ်သတ်ႉထႃႇလွင်ႈယုမ်ႇယမ်သူႁၢႆလၢႆ" Steve Jobs

ꧦ ၶၢဝ်းယၢမ်းသူ မၼ်းမီးတီႈသုတ်းသဵင်ႈမၼ်းဢိူဝ်ႈ၊ ယႃႇပေၸႂ်ႉတိုဝ်းမၼ်း ပႅတ်ႇလွၵ်ႇပႅတ်ႈလၢႆ ၼႂ်းၸူဝ်ပၢၼ်ၵူၼ်းတၢင်ႇၵေႃႉၶဝ်ယူႇꧦ  Steve Jobs

"ယူႇယွင်ႇယွင်ႈဝႃႈဝႃႈ၊ ယူႇႁႂ်ႈတွင်ႉမႆႈသႆႈလိူတ်ႇယူႇတႃႇသေႇလႄႈꧦ Steve Jobs 

"ၵူၼ်းႁဝ်းႁဵတ်းလႆႈၶႅမ်ႉလႅပ်ႈလီ မိူဝ်ႈၶဝ်ႁူႉဝႃႈ ဢီႈသင်ပဵၼ်လၵ်းယိူင်းမၢႆ လႄႈ ၶဝ်ႁဵတ်းယွၼ်ႉပိူဝ်ႈသင်ၼၼ်ႉယဝ်ႉ" Elon Musk 

"လွင်ႈတူၵ်းသုမ်းၼၼ်ႉ ပဵၼ်လွင်ႈလိူၵ်ႈလႆႈယဝ်ႉ၊ သင်ဝႃႈ ဢမ်ႇမီးလွင်ႈတူၵ်းသုမ်းၸိုင် သူဢမ်ႇလႆႈၶူင်သၢင်ႈဢီႈသင်ယူႇ"  Elon Musk 

"လွင်ႈလႅၵ်ႈလႆၢႈၼၼ်ႉ တိုၼ်းတေဢမ်ႇမႃးႁႃႁဝ်း သင်ဝႃႈ ႁဝ်းၵုမ်ႇပႂ်ႉၵူၼ်းသေၵေႃႉ ဢမ်ႇၼၼ် ၶၢဝ်းယၢမ်းသေ ၶၢဝ်းၶၢဝ်း။ ႁဝ်းပဵၼ်ၵူၼ်းၵေႃႉဢၼ်ႁဝ်းလႆႈပႂ်ႉမႃးယူႇ။ ႁဝ်းပဵၼ်လွင်ႈလႅၵ်ႈလၢႆႈ ဢၼ်ႁဝ်းၸွမ်းႁႃ" Brack Obama 

"လွင်ႈလႅၵ်ႈလၢႆႈၼၼ်ႉ ဢမ်ႇတွၼ်ႉငၢႆႈ၊ ၵူၺ်းၵႃႈ မၼ်းပဵၼ်လႆႈယူႇ"  Brack Obama 

ယုမ်ႇယမ်ဝႃႈ ၽူႈလူလိၵ်ႈႁဝ်းၶဝ် တေလႆႈႁႅင်းၸႂ်ၸွမ်း လွၼ်ႉမွၼ်းၵႂၢမ်း ၸိူဝ်းၼႆႉၽွင်ႈယူႇ။
မႂ်ႇသုင်တင်းသဵင်ႈၶႃႈ။